Қорытынды

Қазіргі заманда табиғат пен адам арасындағы үйлесімді қарым-қатынасты қалыптастыру – бүкіл әлем қауымдастығы алдында тұрған аса маңызды міндеттердің бірі. Экологиялық проблемалардың күннен-күнге ушығуы білім беру жүйесін де бұл мәселеге бейжай қарамай, болашақ мамандардың экологиялық дүниетанымын, мәдениетін, жауапкершілігін қалыптастыруға бағытталуға мәжбүр етуде.

Ұсынылып отырған бұл кітапша — білім алушылардың экологиялық санасын, құндылықтарын, жауапкершілік сезімін арттыруға бағытталған кешенді тапсырмалар жиынтығы. Онда түрлі әдістер мен тапсырмалар арқылы студенттердің экологиялық ойлауын дамыту, табиғатқа жанашырлықпен қарауға, саналы әрекет етуге бейімдеу көзделеді. Сонымен қатар, білім алушылардың шығармашылық әлеуетін ояту, топпен жұмыс істеу, рефлексия жасау, өз ой-пікірін ғылыми тұрғыдан жеткізе білу қабілеттерін жетілдіру мақсат етіледі.

Бұл нұсқаулықта ұсынылған әдістемелік шешімдер мен тапсырмалар жүйесі оқытушыларға экологиялық білім мен тәрбие беруді оқу үдерісіне тиімді енгізуге мүмкіндік береді. Ал білім алушылар үшін бұл – табиғатпен байланысын терең ұғынуға, тұрақты даму қағидаттарын қабылдауға, өз ортасына әсер ететін саналы, жауапты тұлға ретінде қалыптасуына үлкен қадам.